Festibalak

1949. urtean Paben (Frantzia) egin zuen GOIZALDIk bere lehen agerraldia atzerrian. 50. hamarkada erdialdetik taldearen aktuazioak nabarmen ugaritzen dira Jose Inazio Montes Astigarragaren gidaritzapean. Atzerriko agerraldiak ohiko bilakatu ziren GOIZALDIren urteroko egitarauan. 1949, 1953 eta 1954 Frantzia; 1955 eta 1956 Erresuma Batua (LLangollen); 1958 eta 1959 Italia; 1964 Txekiar Errepublika; 1968 Danimarka; 1969 Austria…

GOIZALDIk hainbat sari jaso ditu parte hartu duen jaialdi eta lehiaketatan. Horien artean Normandian dagoen Gisors hiriko lehen saria, Cacerescoa eta Inglaterrako Yorkshireko bigarren saria… Aipatzekoa da GOIZALDIk Llangolleneko International Musical Eisteddfod jaialdian lortutako arrakasta 1955. urtean hirugarren saria eta urte bat beranduago lehen saria eskuratuz. Violet Alfrod folklorista ezagunak eta Joel Martelek osatzen zuten epaimahaia. Ondoren karta trukaketa mamitsu bat sortu zen Violet Alfrod eta GOIZALDIren artean Ezpata Dantzaren inguruan.

Zenbait pelikulen filmaketan parte hartu zuen GOIZALDIk urte horietan. Pluma al viento (1952), Diez fusiles esperan (1958), Danzas en España (1959), La Reina del Chanteclais (1962). 1983. urtean, talde gisa Estatu Batuetara joateko lehen gonbidapena jaso zuen GOIZALDIk.

1984ko Ipar Karolinako Nazioarteko Jaialdian parte hartu zuen taldeak. Hiru urte beranduago bigarren irteera egin zuen Estatu Batuetara, kasu honetan Idahoko Boisera. Ugariak izan dira taldeak atzerrian egin dituen agerraldiak. GOIZALDIren berri izan duten herrietatik bitxienetariko bat Laponia dugu. 1997. urtean Rovaniemi herrian egiten den Justaiset Jaialdian parte hartzeko aukera izan zuen taldeak.

Aipamen berezia behar du 2000. urtean Argentinan taldeak eginiko bira. Bi astetan zehar, Argentinako euskal etxe garrantzitsuenak bisitatu zituen taldeak. Diasporako euskaldunen harrera gure bihotzetan betirako gelditu da markatuta.

ATZERRIKO AGERRALDIAK

1949

Pabe(Frantzia), Frantziako hegoaldeko Nekazaritza Ferian.

1953

Languedoc, Landak eta Gironde (Frantzia).

1954

Gers (Frantzia)

1955

Landak (Frantzia).

Llangollen (Erresuma Batua). Hirugarren saria dantza herrikoien atalean.

1956

Llangollen (Erresuma Batua). Lehen saria dantza herrikoien atalean.

Landak (Frantzia).

1957

Gers (Frantzia).

1958

Landak eta Gironde (Frantzia).

Riviera dei Fiori (Italia).

Niza-Cannesko Nazioarteko Folklore Jaialdia (Frantzia).

1959

Landak eta Bretaña (Frantzia).

Messinako Nazioarteko Folklore Jaialdia (Sizilia)

1960

Capbreton (Frantzia).

Caceres (Espainia). Lehen saria bertako lehiaketan.

1961

Gisors (Frantzia). Lehen saria Girorseko Nazioarteko Folklore Jaialdian.

Niza, Cannes, Beaulieu-Sur-Mer eta Capbreton (Frantzia).

1962

Borgosesia-Vercelliako Nazioarteko Folklore Jaialdia (Italia)

1963

Bonn-Erbach (Alemania).

Lyon (Frantzia).

1964

Praga (Txekiar Errepublika)

Bratislava (Eslovakia)

1965

Lefkas (Grezia)

1966

Middlesbrough (Erresuma Batua). Bigarren saria.

1967

Folkestoneko Nazioarteko Folklore Jaialdia (Erresuma Batua).

Le-Havre (Frantzia).

1968

Herning-Kopenhage (Danimarka).

1969

Kremseko Nazioarteko Folklore Jaialdia (Austria).

1970

Nizako Nazioarteko Folklore Jaialdia (Frantzia).

1971

Hoorneko Nazioarteko Folklore Jaialdia (Holanda).

1972

Aseleko Nazioarteko Folklore Jaialdia (Suedia).

1973

Palma (Espainia).

1974

Zagreb-Kroaziako Nazioarteko Folklore Festibala (Jugoslavia).

1975

Municheko Garagardo Festa (Alemania).

1976

Bitburgeko Nazioarteko Jaialdia (Alemania).

1977

Schoten-eko Nazioarteko Folklore Jaialdia (Belgika).

1978

Newcastle-ko Nazioarteko Folklore Jaialdia (Inglaterra).

1979

Mechelen-go Nazioarteko Folklore Jaialdia (Belgika).

1980

Wiesbaden (Alemania).

1981

Bergen-eko Nazioarteko Folklore Jaialdia (Norvegia).

1982

Sidmouth-eko Nazioarteko Folklore Jaialdia (Erresuma Batua).

1983

Dublin-go Nazioarteko Folklore Jaialdia (Ipar Irlanda).

1984

Wiesbaden eta Dormund (Alemania).

Ipar Karolinako Nazioarteko Folklore Jaialdia (E.E.B.B.).

1985

Dormunt eta Dusseldorf (Alemania).

1986

Übersee – Feldwieseko Nazioarteko Folklore Jaialdia (Bavaria).

1987

Boise – Idahoko Euskal Festa (E.E.B.B.)

Newcastleko Nazioarteko Folklore Jaialdia (Inglaterra).

1988

Confolens-eko Nazioarteko Jaialdia, Argia taldearekin batera (Frantzia).

1989

Ludwigstein – Colbeko Nazioarteko Folklore Jaialdia (Alemania).

1990

Berlin (Alemania).

Jelina Gora (Polonia).

1991

Übersee – Feldwieseko Nazioarteko Folklore Jaialdia (Bavaria).

1996

Roccalumera – Messinako Nazioarteko Folklore Jaialdia (Sizilia).

1997

Rovaniemiko Jutajaiset Nazioarteko Folklore Jaialdia (Laponia).

1998

Ankarako AFDAG Nazioarteko Folklore Jaialdia (Turkia).

1999

Gaia Nazioarteko Folklore Jaialdia (Portugal).

2000

Barilocheko Komunitateen Folklore Jaialdia (Argentina).

Buenos Aires, Necochea, Mar del Plata eta Cordoban eginiko dantza bira (Argentina).